"Reyms" hujumchisi Folarin Balogun kelasi mavsumda Londonning "Arsenal" jamoasining asosiy tarkibida o‘ynamoqchi. Eslatib o‘tamiz, angliyalik futbolchi ayni damda Fransiya jamoasida ijara asosida o‘ynamoqda.

Jurnalist David Ornshteynning ijtimoiy tarmoqlarda xabar berishicha, "Arsenal" futbolchi uchun asosiy tarkibdan joy olishga kafolat bera olmaydi, shuning uchun Balogun faoliyatini davom ettirishning boshqa variantlari haqida o‘ylamoqda. Folarin barqaror o‘yin amaliyotiga ega bo‘lishni xohlaydi.

Joriy mavsumda Balogun Fransiya chempionatida 18 ta gol urdi va 2 ta golli uzatmani amalga oshirdi. Futbolchi Liga 1 to‘purarlari ro‘yxatida peshqadam Jonatan Deviddan bir gol ortda qolgan holda to‘rtinchi o‘rinni egallab turibdi.