"Реймс" ҳужумчиси Фоларин Балогун келаси мавсумда Лондоннинг "Арсенал" жамоасининг асосий таркибида ўйнамоқчи. Эслатиб ўтамиз, англиялик футболчи айни дамда Франция жамоасида ижара асосида ўйнамоқда.
Журналист Давид Орнштейннинг ижтимоий тармоқларда хабар беришича, "Арсенал" футболчи учун асосий таркибдан жой олишга кафолат бера олмайди, шунинг учун Балогун фаолиятини давом эттиришнинг бошқа вариантлари ҳақида ўйламоқда. Фоларин барқарор ўйин амалиётига эга бўлишни хоҳлайди.
Жорий мавсумда Балогун Франция чемпионатида 18 та гол урди ва 2 та голли узатмани амалга оширди. Футболчи Лига 1 тўпурарлари рўйхатида пешқадам Жонатан Дэвиддан бир гол ортда қолган ҳолда тўртинчи ўринни эгаллаб турибди.
