"An-Nasr" hujumchisi Krishtianu Ronaldu Saudiya Arabistoni chempionatining 23-tur uchrashuvi yakunlanganidan so‘ng "Al-Feyha" klubi futbolchisi bilan janjallashib qoldi. Uchrashuv 0:0 hisobida durang bilan yakunlandi.

Manchester Evening News xabariga ko‘ra, 38 yoshli portugaliyalik futbolchi final hushtagi chalinganidan keyin raqibi bilan baland ovozda gaplashgan. Ronaldu unga qarata "Sizlar o‘ynashni xohlamadingiz" - deb baqirgan. Shundan so‘ng Krishtianu tribunalar ostidagi xonaga kirib g‘oyib bo‘ldi.

Yulduzli hujumchi joriy mavsum Saudiya Arabistonida 11 ta o‘yinda maydonga tushib, 11 ta gol (4 tasi penaltidan) va 2 ta golga assistentlik qilgan.