"Ан-Наср" ҳужумчиси Криштиану Роналду Саудия Арабистони чемпионатининг 23-тур учрашуви якунланганидан сўнг "Ал-Фейҳа" клуби футболчиси билан жанжаллашиб қолди. Учрашув 0:0 ҳисобида дуранг билан якунланди.
Manchester Evening News хабарига кўра, 38 ёшли португалиялик футболчи финал ҳуштаги чалинганидан кейин рақиби билан баланд овозда гаплашган. Роналду унга қарата "Сизлар ўйнашни хоҳламадингиз" - деб бақирган. Шундан сўнг Криштиану трибуналар остидаги хонага кириб ғойиб бўлди.
Юлдузли ҳужумчи жорий мавсум Саудия Арабистонида 11 та ўйинда майдонга тушиб, 11 та гол (4 таси пенальтидан) ва 2 та голга ассистентлик қилган.
