Astana shahri mezbonlik qilayotgan sport kurashlari bo‘yicha Osiyo chempionatining ikkinchi kunida medallar uchun kurashni davom ettiradigan atletlar nomi ma’lum bo‘ldi. Quvonarlisi, O‘zbekiston terma jamoasi a’zolari ketma-ket ikkinchi kuni final yo‘llanmasiga sazovor bo‘lmoqda.
-67 kg vazn toifasida ishtirok etayotgan Abror Ataboyev musobaqaga ajoyib sport formasida yetib kelganini ko‘rsatib, mag‘lubiyasiz odimlamoqda. Ataboyev ortda qolgan 3 bellashuvda Firuz Mirzarajabov (Tojikiston), Xansu Ryu (Janubiy Koreya) va Almat Kebispayev (Qozog‘iston)ni dog‘da qoldirdi. Yurtdoshimiz kechki dasturda yaponiyalik Kyotaro Sogabe bilan chempionlik masalasini hal qiladi. Shuningdek, -82 kg vazn toifasida qatnashayotgan Muhammadqodir Rasulov boshqa bir yaponiyalik polvon bilan bronza medali uchun kurashadi.
Final:
-67 kg: Abror Ataboyev – Kyotaro Sogabe (Yaponiya)
Bronza medali uchun:
-82 kg: Muhammadqodir Rasulov – Yuya Mayeta (Yaponiya)
