Mashhur argentinalik sobiq futbolchi Ernan Krespo hozirda Qatarda murabbiy bo‘lib ishlayapti va bir kun oldin u katta muvaffaqiyatga erishdi – uning klubi “Al Duhail” Qatar shahzodasi kubogi finalida Xavi Ernandesning sobiq jamoasi, “As-Sadd”ni mag‘lub etdi. Krespo shogirdlari raqib darvozasiga javobsiz ikkita gol urishdi.
Bu Kresponing murabbiylik faoliyatidagi birinchi sovrini emas, 2020 yilda u Argentinaning “Defensa va Xustisiya” jamoasi bilan KONMEBOL kubogini qo‘lga kiritgan, bir yildan so‘ng esa Braziliyadagi San-Paulu shtat chempionatida g‘alaba qozongan edi.
