Машҳур аргентиналик собиқ футболчи Эрнан Креспо ҳозирда Қатарда мураббий бўлиб ишлаяпти ва бир кун олдин у катта муваффақиятга эришди – унинг клуби “Ал Дуҳаил” Қатар шаҳзодаси кубоги финалида Хави Эрнандеснинг собиқ жамоаси, “Ас-Садд”ни мағлуб этди. Креспо шогирдлари рақиб дарвозасига жавобсиз иккита гол уришди.
Бу Креспонинг мураббийлик фаолиятидаги биринчи соврини эмас, 2020 йилда у Аргентинанинг “Дефенса ва Хустисия” жамоаси билан КОНМЕБОЛ кубогини қўлга киритган, бир йилдан сўнг эса Бразилиядаги Сан-Паулу штат чемпионатида ғалаба қозонган эди.
