"Monako"da ijara asosida o‘ynayotgan "Bavariya" darvozaboni Aleksandr Nyubel yozda jamoasini o‘zgartirishi mumkin.
Ma’lumki, darvozabon aniq "Monako"da o‘ynashni davom ettirmaydi, mavsum yakunlangach, Myunxen klubiga qaytadi.
Sky Sport xabariga ko‘ra, 26 yoshli darvozabonning "Bavariya"da qolishi hozirda og‘ir jarohatdan tiklanishni davom ettirayotgan Manuel Noyerning formasiga bog‘liq bo‘ladi. Klub Nyubelning keyingi mavsumda qolish-qolmasligini hali bilmaydi.
Eslatib o‘tamiz, yanvar oyida "Bavariya" Menxengladbaxning "Borussiya" klubidan Yan Zommerni Noyerga o‘rinbosar sifatida sotib olgan edi.