"Монако"да ижара асосида ўйнаётган "Бавария" дарвозабони Александр Нюбель ёзда жамоасини ўзгартириши мумкин.

Маълумки, дарвозабон аниқ "Монако"да ўйнашни давом эттирмайди, мавсум якунлангач, Мюнхен клубига қайтади.

Sky Sport хабарига кўра, 26 ёшли дарвозабоннинг "Бавария"да қолиши ҳозирда оғир жароҳатдан тикланишни давом эттираётган Мануэль Нойернинг формасига боғлиқ бўлади. Клуб Нюбелнинг кейинги мавсумда қолиш-қолмаслигини ҳали билмайди.

Эслатиб ўтамиз, январь ойида "Бавария" Менхенгладбахнинг "Боруссия" клубидан Ян Зоммерни Нойерга ўринбосар сифатида сотиб олган эди.