"Inter" bosh murabbiyi Simone Indzagi jamoasining o‘yini haqida o‘z fikrlari bilan o‘rtoqlashdi.

Aprel oyi boshidan beri “neradzurrilar” uchta o‘yin o‘tkazib, 1 ta mag‘lubiyat, 2 ta durang qayd etdi.

“Oxirgi uchta o‘yinda yaxshi ko‘rindik, ammo bu natijada aks etmadi. Darvozaga 40 marta zarba berdik, ammo... Biz davom etishimiz kerak – ba’zida to‘p darvozaga kirmaydi, lekin bu vaqtinchalik. Biz ishlashda davom etishimiz va o‘zimizga ishonishimiz kerak”, — dedi Indzagi 11 aprel kuni Portugaliyada bo‘lib o‘tadigan “Benfika”ga qarshi Chempionlar ligasi chorak final uchrashuvi oldidan matbuot anjumanida.