"Интер" бош мураббийи Симоне Индзаги жамоасининг ўйини ҳақида ўз фикрлари билан ўртоқлашди.
Апрель ойи бошидан бери “нерадзуррилар” учта ўйин ўтказиб, 1 та мағлубият, 2 та дуранг қайд этди.
“Охирги учта ўйинда яхши кўриндик, аммо бу натижада акс этмади. Дарвозага 40 марта зарба бердик, аммо... Биз давом этишимиз керак – баъзида тўп дарвозага кирмайди, лекин бу вақтинчалик. Биз ишлашда давом этишимиз ва ўзимизга ишонишимиз керак”, — деди Индзаги 11 апрель куни Португалияда бўлиб ўтадиган “Бенфика”га қарши Чемпионлар лигаси чорак финал учрашуви олдидан матбуот анжуманида.
