"Barselona" bosh murabbiyi Xavi Ernandes La Liga doirasida "Jirona"ga qarshi o‘yindagi golsiz durang haqida fikr bildirdi.
“Real”ning yaqinda “Vilyarreal”dan uchralgan mag‘lubiyatidan (2:3) so‘ng “ko‘k-anorranglilar” “qaymoqranglilar”dan ochkolari sonini 15taga yetkazishlari mumkin edi, ammo ular o‘z maydonida g‘alaba qozona olmadi.
“Afsuslanarli natija, lekin menimcha, biz yaxshi o‘yin o‘tkazdik. Vaziyatlardan foydalana olmaganimiz bizni xafa qildi - juda ko‘p imkoniyatlarimizni boy berdik. Bu bizning kun emas edi, lekin shunday bo‘lib turadi. Afsuski, biz “Real” bilan farqni kattalashtirish imkoniyatini qo‘ldan boy berdik, ammo biz hali ham ligada ajoyib holatdamiz. Maqsadimiz La Ligada g‘alaba qozonish. Bu sovrin biz uchun juda muhim”, - dedi Xavi o‘yindan keyingi intervyusida.
