"Arsenal"ning sobiq yarim himoyachisi Samir Nasri 2008 yilning yozida "Marsel"dan London klubiga o‘tgani haqida gapirdi.

Futbolchi "Marsel" oldidagi burchini his qilgani uchun "Arsenal"ga tekinga bora olmasligini tan oldi. Shuning uchun dastlab u Liga 1dan klub bilan shartnomasini uzaytirishi kerak edi.

"Bu mening shahrim, mening klubim, men u yerda mashg‘ulot o‘tkazdim, men tekinga ketib, jamoaga "Chao, men sendan foydalandim" - deb ayta olmasdim. Men shartnomani uzaytirishim va klubga tovon puli to‘lashim kerak edi", - dedi Nasri Be Football bilan suhbatda.

Nasri 2008 yildan 2011 yilgacha "Arsenal"da o‘ynagan. Umuman olganda, fransiyalik futbolchi “kanonirlar” safida 125 ta o‘yinda maydonga tushib, 27 ta gol urdi va 15 ta golli uzatmani amalga oshirdi.