"Manchester Siti" hujumchisi Erling Xoland bir yil oldin "Bavariya"ni tanlashi mumkin edi.
Jurnalist Georg Xolsnerning ijtimoiy tarmoqlarda xabar berishicha, "qizil mashina" norvegiyalik hujumchiga yiliga 35 million yevro taklif qilishga tayyor edi. Yakunda "Manchester Siti" myunxenliklar taklifini to‘xtatdi va Erling Xosep Gvardiola jamoasiga o‘tdi.
Xoland bugun Chempionlar ligasi chorak finalining birinchi o‘yinida "Bavariya"ga qarshi bahs olib boradi. Norvegiyalik futbolchi Germaniyadagi faoliyati davomida Dortmundning “Borussiya” jamoasi tarkibida Myunxen klubiga 7 ta o‘yinda 5 ta gol urgan.
Eslatib o‘tamiz, Xoland joriy mavsumda barcha turnirlarda 44 ta gol urgan. Futbolchi Premyer-liga va Chempionlar ligasining eng yaxshi to‘purari hisoblanadi.
