"Манчестер Сити" ҳужумчиси Эрлинг Холанд бир йил олдин "Бавария"ни танлаши мумкин эди.
Журналист Георг Хольцнернинг ижтимоий тармоқларда хабар беришича, "қизил машина" норвегиялик ҳужумчига йилига 35 миллион евро таклиф қилишга тайёр эди. Якунда "Манчестер Сити" мюнхенликлар таклифини тўхтатди ва Эрлинг Хосеп Гвардиола жамоасига ўтди.
Холанд бугун Чемпионлар лигаси чорак финалининг биринчи ўйинида "Бавария"га қарши баҳс олиб боради. Норвегиялик футболчи Германиядаги фаолияти давомида Дортмунднинг “Боруссия” жамоаси таркибида Мюнхен клубига 7 та ўйинда 5 та гол урган.
Эслатиб ўтамиз, Холанд жорий мавсумда барча турнирларда 44 та гол урган. Футболчи Премьер-лига ва Чемпионлар лигасининг энг яхши тўпурари ҳисобланади.
