"Atletiko Madrid" "Barselona" hujumchisi Ferran Torresga ko‘z tikdi. Todofichajes xabariga ko‘ra, poytaxt klubi 23 yoshli futbolchini yozgi transfer oynasida qo‘lga kiritishga harakat qiladi.
Futbolchi uchun bahsda “Atletiko”ning raqibi Londonning “Tottenxem” klubidir. O‘z navbatida, "Barselona" yozda futbolchidan qutulmoqchi va uning transferi bo‘yicha takliflarni tinglashga tayyor.
Torresning "ko‘k-anorranglilar" bilan tuzilgan mehnat shartnomasi muddati 2027 yilning iyun oyi oxirigacha hisoblangan. Uning transfer narxi 30 million yevro.
Ferran joriy mavsumda La Ligada 25 ta o‘yinda maydonga tushib, 3 ta gol urdi va 1 ta golli uzatmani amalga oshirdi.