"Атлетико Мадрид" "Барселона" ҳужумчиси Ферран Торресга кўз тикди. Todofichajes хабарига кўра, пойтахт клуби 23 ёшли футболчини ёзги трансфер ойнасида қўлга киритишга ҳаракат қилади.
Футболчи учун баҳсда “Атлетико”нинг рақиби Лондоннинг “Тоттенхэм” клубидир. Ўз навбатида, "Барселона" ёзда футболчидан қутулмоқчи ва унинг трансфери бўйича таклифларни тинглашга тайёр.
Торреснинг "кўк-анорранглилар" билан тузилган меҳнат шартномаси муддати 2027 йилнинг июнь ойи охиригача ҳисобланган. Унинг трансфер нархи 30 миллион евро.
Ферран жорий мавсумда Ла Лигада 25 та ўйинда майдонга тушиб, 3 та гол урди ва 1 та голли узатмани амалга оширди.
