"Vest Xem" sardori Deklan Rays keyingi mavsumdan boshlab boshqa jamoa sharafini himoya qiladi. Evening Standard xabariga ko‘ra, angliyalik futbolchi mavsum yakunida "bolg‘achilar"ni albatta tark etadi.
Manbaning ta’kidlashicha, agar "Vest Xem" joriy mavsum yakunida Angliya Premyer-ligasida o‘z joyini saqlab qola olsa, Raysning o‘rniga boshqa futbolchi liganing boshqa klubidan sotib olinadi. Hozirda "bolg‘achilar"ning ikkita varianti bor: "Chelsi" futbolchisi Konor Gallaxer va "Manchester Siti" futbolchisi Kalvin Fillips.
Oldinroq Raysning transferi uchun favorit "Arsenal" ekani xabar qilingandi. "Chelsi" ham o‘z tarbiyalanuvchisini qaytarish uchun kurashishi mumkin. Deklanning "Vest Xem" bilan shartnomasi 2024 yilning yozida yakuniga yetadi.
