"Yuventus" yarim himoyachisi Leandro Paredes dushanba kuni ertalabki mashg‘ulotdan so‘ng bosh murabbiy Massimiliano Allegri bilan janjallashdi. La Gazette Dello Sport xabariga ko‘ra, argentinalik futbolchi qizg‘in muhokama chog‘ida o‘yin vaqti kamligidan noroziligini bildirgan. Shundan so‘ng Paredes “keksa sinyora”ning boshqa futbolchilari bilan tushlikka ham bormadi.
Eslatib o‘tamiz, 28 yoshli Paredes “Yuventus”da ijara asosida o‘ynaydi. Yarim himoyachining huquqlari "PSJ"ga tegishli. Katta ehtimol bilan Turin klubi mavsum oxirida Leandroni sotib olmaydi.
Argentinalik yarim himoyachi "Yuventus" safida 25 ta o‘yinda 1 ta golli uzatmani amalga oshirdi.
