Xuan Polkan ismli muxlis o‘zining kumiri - Lionel Messi bilan uchrashishga muvaffaq bo‘ldi. Yigit Parijga keldi va bir vaqtlar Messining uyida ishlagan sartarosh orqali argentinalik yulduz futbolchining yashash joyini bilib oldi. Xuan Messining uyini topib, futbolchi bilan uchrashuvni taxminan o‘n soat kutdi. Qo‘riqchilar uni polisiya chaqirish bilan qo‘rqitganda, yigit deyarli umidini yo‘qotdi, ammo o‘sha vaqtda Messining xotini Antonella paydo bo‘lib, Xuanni uyga taklif qildi.

“Men ko‘rgan birinchi narsa Messining mening oldimda shorti va shippakda turgani bo‘ldi. Va u bizga: "Salom", dedi Xuan Infobae nashriga.

Xuanni uyga yolg‘iz emas, balki unga qo‘shilgan yana bir muxlis bilan taklif qilishdi - u Messiga rasm ko‘rinishidagi sovg‘a olib keldi.

Messi muxlislar bilan suratga tushdi va ularga dastxat berdi.