Joriy mavsum yakunida «tulkilar» Angliya premyer-ligasini tark etsa, «Nyukasl» «Lester»ning 25 yoshli yarim himoyachisi Xarvi Barnsni o‘z safiga qo‘shib olishga tayyor. Bu haqda Football Insider xabar bermoqda.
Manbaning so‘zlariga ko‘ra, «Lester» bilan yana ikki yillik shartnoma qolgan bo‘lsada, futbolchini saqlab qolish nihoyatda qiyin bo‘ladi.
E’tiborlisi, Barns «Nyukasl» qiziqayotgan yagona futbolchi emas. Klub Jeyms Meddisonni ham kuzatib bormoqda.
Eslatib o‘tamiz, ayni damda «Lester» bor-yo‘g‘i 27 ochko jamg‘arib, APL turnir jadvalida oxirgi o‘rinda bormoqda.
