Жорий мавсум якунида «тулкилар» Англия премьер-лигасини тарк этса, «Ньюкасл» «Лестер»нинг 25 ёшли ярим ҳимоячиси Харви Барнсни ўз сафига қўшиб олишга тайёр. Бу ҳақда Football Insider хабар бермоқда.
Манбанинг сўзларига кўра, «Лестер» билан яна икки йиллик шартнома қолган бўлсада, футболчини сақлаб қолиш ниҳоятда қийин бўлади.
Эътиборлиси, Барнс «Ньюкасл» қизиқаётган ягона футболчи эмас. Клуб Жеймс Мэддисонни ҳам кузатиб бормоқда.
Эслатиб ўтамиз, айни дамда «Лестер» бор-йўғи 27 очко жамғариб, АПЛ турнир жадвалида охирги ўринда бормоқда.
