"Manchester Siti" bosh murabbiyi Xosep Gvardiola "Bavariya"ni 3:0 hisobida mag‘lub etganidan so‘ng Bernardu Silva haqida gapirdi.

Portugaliyalik futbolchi Chempionlar ligasi chorak finalining birinchi o‘yinida gol va golli uzatma muallifiga aylandi.

“Bernardu ajoyib futbolchi. Bu nima degani? Bu shuni anglatadiki, u hamma joyda o‘ynashi mumkin, chunki u o‘yinni tushunadi, o‘qiy oladi. U bugungidek uchrashuvlarda nihoyatda muhim futbolchi.

U ham tayanch zonasida, ham “soxta to‘qqizlik” sifatida o‘ynay oladi, so‘nggi paytlarda ko‘p gol urmoqda. U bu o‘yinda hamma ajoyib bajardi, - dedi Gvardiola.