"Манчестер Сити" бош мураббийи Хосеп Гвардиола "Бавария"ни 3:0 ҳисобида мағлуб этганидан сўнг Бернарду Силва ҳақида гапирди.

Португалиялик футболчи Чемпионлар лигаси чорак финалининг биринчи ўйинида гол ва голли узатма муаллифига айланди.

“Бернарду ажойиб футболчи. Бу нима дегани? Бу шуни англатадики, у ҳамма жойда ўйнаши мумкин, чунки у ўйинни тушунади, ўқий олади. У бугунгидек учрашувларда ниҳоятда муҳим футболчи.

У ҳам таянч зонасида, ҳам “сохта тўққизлик” сифатида ўйнай олади, сўнгги пайтларда кўп гол урмоқда. У бу ўйинда ҳамма ажойиб бажарди, - деди Гвардиола.