"PSJ" hujumchisi Ugo Ekitike kelasi mavsumda ham jamoada qoladi.
20 yoshli futbolchini parijliklar "Reyms"dan sotib olish majburiyati bilan ijaraga olishgan. Fransuz Kristof Galtye qo‘l ostida ko‘p o‘yin amaliyotiga ega bo‘lmayapti, shu sababli turli manbalar uni yaqin orada ketishi haqida yozmoqda. Footmercato xabariga ko‘ra, Ekitike "PSJ"ni tark etish niyatida emas. Hujumdagi jiddiy raqobat bo‘lishiga qaramay, u Parijda qolishni va o‘z qadr-qimmatini isbotlashga harakat qilishni xohlaydi.
Ugo Ekitike "PSJ" safida barcha musobaqalarda 27 ta o‘yinda maydonga tushib, 4 ta gol va 3 ta golli uzatmaga mualliflik qilgan.
