"ПСЖ" ҳужумчиси Уго Экитике келаси мавсумда ҳам жамоада қолади.
20 ёшли футболчини парижликлар "Реймс"дан сотиб олиш мажбурияти билан ижарага олишган. Француз Кристоф Галтье қўл остида кўп ўйин амалиётига эга бўлмаяпти, шу сабабли турли манбалар уни яқин орада кетиши ҳақида ёзмоқда. Footmercato хабарига кўра, Экитике "ПСЖ"ни тарк этиш ниятида эмас. Ҳужумдаги жиддий рақобат бўлишига қарамай, у Парижда қолишни ва ўз қадр-қимматини исботлашга ҳаракат қилишни хоҳлайди.
Уго Экитике "ПСЖ" сафида барча мусобақаларда 27 та ўйинда майдонга тушиб, 4 та гол ва 3 та голли узатмага муаллифлик қилган.