Dortmundning "Borussiya" klubi yarim himoyachisi Jud Bellingem allaqachon "Chelsi" va "PSJ"ga "yo‘q" degani ma’lum bo‘ldi.
19 yoshli angliyalikning kelajagi yaqinlashib kelayotgan transfer oynasidagi eng qizg‘in mavzulardan biri hisoblanadi. Yaqinda OAVda “Liverpul” yarim himoyachining qimmatligi tufayli u uchun kurashdan chiqib ketgani haqida xabarlar tarqalgan edi. Jurnalist Patrik Berger xabariga ko‘ra, futbolchi qiziqish bildirayotgan "Chelsi" va "PSJ"ga o‘tishni istamayapti. Shu tariqa, vunderkindga atigi uchta jiddiy davogar qolgan – “Manchester Siti”, “Manchester Yunayted” va “Real”.
Transfermarkt ekspertlari Jud Bellingemning transfer narxini 120 million yevroga baholamoqda.