Дортмунднинг "Боруссия" клуби ярим ҳимоячиси Жуд Беллингем аллақачон "Челси" ва "ПСЖ"га "йўқ" дегани маълум бўлди.
19 ёшли англияликнинг келажаги яқинлашиб келаётган трансфер ойнасидаги энг қизғин мавзулардан бири ҳисобланади. Яқинда ОАВда “Ливерпуль” ярим ҳимоячининг қимматлиги туфайли у учун курашдан чиқиб кетгани ҳақида хабарлар тарқалган эди. Журналист Патрик Бергер хабарига кўра, футболчи қизиқиш билдираётган "Челси" ва "ПСЖ"га ўтишни истамаяпти. Шу тариқа, вундеркиндга атиги учта жиддий давогар қолган – “Манчестер Сити”, “Манчестер Юнайтед” ва “Реал”.
Transfermarkt экспертлари Жуд Беллингемнинг трансфер нархини 120 миллион еврога баҳоламоқда.