«Barselona» Serxi Busketsga maoshi sezilarli darajada qisqartirilgan holda shartnoma taklif qilmoqda.

34 yoshli yarim himoyachining Kataloniya klubi bilan amaldagi shartnomasi joriy mavsum oxirigacha hisoblangan.

«Barsa» futbolchiga yana bir yilga mo‘ljallangan bitim taklif qildi va tez orada javob olishni istaydi.

Yarim himoyachining qaroriga bir qancha omillar ta’sir qiladi. Ulardan biri moliyaviy holat: klub unga soliqlarni hisobga olmaganda yiliga 7 million yevro maosh taklif qiladi. Bu Busketsning hozirgi maoshidan uch barobar kam degani. Qayd etilishicha, yarim himoyachi «Barsa» boshdan kechirayotgan moliyaviy qiyinchiliklarni tushunadi.

Futbolchi boshqa klublardan, xususan MLSdan kelgan takliflarni ham ko‘rib chiqishga tayyor.