O‘FA rahbariyati va Yaponiya kompaniyasi vakili Hara Shuichiro o‘rtasida hamkorlik masalalariga bag‘ishlangan uchrashuv bo‘lib o‘tdi.
Uchrashuvda keyingi yillarda ikki mamlakat o‘rtasida futbolni rivojlantirish borasidagi harakatlar yangi bosqichga chiqayotgani, yaponiyalik murabbiylar yurtimizda samarali faoliyati yuritib kelayotgani qayd etildi.
Professional futbolda sport tibbiyoti yildan yilga muhim ahamiyat kasb etayotgani sababli, O‘FA yaponiyalik hamkorlar bilan birga ayollar terma jamoalariga sport tibbiyoti mutaxassislarini jalb etgan. Endilikda barcha terma jamoalarga yaponiyalik sport tibbiyoti mutaxassislarni taklif qilish masalasi muhokama qilindi.
Uchrashuv davomida tomonlar Parij-2024 Olimpiadasi saralash uchrashuvlarida O‘zbekiston ayollar milliy terma jamoasi uchun homiylarni jalb etgan holda, turli marketing tadbirlarini tashkillashtirish ko‘zda tutilgan shartnoma imzolashdi.
