The Athletic jurnalisti Devid Ornshteynning xabar berishicha, Dortmundning "Borussiya" klubi yarim himoyachisi Jud Bellingem jamoasida yana bir mavsum o‘tkazishi mumkin.

Manbaga ko‘ra, dortmundliklar angliyalik uchun 150 million yevrodan ko‘proq so‘ramoqda. Futbolchiga qiziqish bildirayotgan "Real" va "Manchester Siti" klublari bunday summani to‘lamoqchi emas. Oldinroq “Liverpul” Bellingem uchun kurashishdan bosh tortgani haqida xabar berilgandi.

19 yoshli yarim himoyachi joriy mavsumda klub safida barcha turnirlar doirasida 37 ta o‘yinda maydonga tushib, 10 ta gol urdi va 7 ta golli uzatmani amalga oshirdi. Uning Dortmund klubi bilan shartnomasi 2025 yilning iyun oyi oxirigacha amal qiladi.