The Athletic журналисти Девид Орнштейннинг хабар беришича, Дортмунднинг "Боруссия" клуби ярим ҳимоячиси Жуд Беллингем жамоасида яна бир мавсум ўтказиши мумкин.
Манбага кўра, дортмундликлар англиялик учун 150 миллион евродан кўпроқ сўрамоқда. Футболчига қизиқиш билдираётган "Реал" ва "Манчестер Сити" клублари бундай суммани тўламоқчи эмас. Олдинроқ “Ливерпуль” Беллингем учун курашишдан бош тортгани ҳақида хабар берилганди.
19 ёшли ярим ҳимоячи жорий мавсумда клуб сафида барча турнирлар доирасида 37 та ўйинда майдонга тушиб, 10 та гол урди ва 7 та голли узатмани амалга оширди. Унинг Дортмунд клуби билан шартномаси 2025 йилнинг июн ойи охиригача амал қилади.
