“An-Nasr” Rudi Garsiya ketganidan so‘ng klub bosh murabbiyi lavozimiga nomzodlar haqida qaror qabul qildi, deb xabar beradi CBS Sports.
13 aprel kuni klub tomonlar kelishuviga ko‘ra Garsiya iste’foga chiqqanini e’lon qildi. Shu kuni Saudiya klubi sobiq yoshlar murabbiyi Dinko Yelichichni jamoaning yangi bosh murabbiyi sifatida rasman tanishtirdi.
Biroq, manbaga ko‘ra, bu faqat vaqtinchalik nomzod. "An-Nasr" "Real"ning sobiq bosh murabbiyi Zinedin Zidan yoki Saudiya Arabistoni jamoasi hujumchisi Krishtianu Ronaldu bilan yaxshi tanish bo‘lgan Joze Mourinyoni taklif qilmoqchi. Qayd etilishicha, portugaliyalik yangi bosh murabbiyni tanlashda ishtirok etadi. Agar asosiy nomzodlar bilan kelisha olmasa, klub Xorxe Jezus yoki Marselo Galyardoga murojaat qilishga tayyor.
