“Ан-Наср” Руди Гарсия кетганидан сўнг клуб бош мураббийи лавозимига номзодлар ҳақида қарор қабул қилди, деб хабар беради CBS Sports.

13 апрель куни клуб томонлар келишувига кўра Гарсия истеъфога чиққанини эълон қилди. Шу куни Саудия клуби собиқ ёшлар мураббийи Динко Еличични жамоанинг янги бош мураббийи сифатида расман таништирди.

Бироқ, манбага кўра, бу фақат вақтинчалик номзод. "Ан-Наср" "Реал"нинг собиқ бош мураббийи Зинедин Зидан ёки Саудия Арабистони жамоаси ҳужумчиси Криштиану Роналду билан яхши таниш бўлган Жозе Моуриньони таклиф қилмоқчи. Қайд этилишича, португалиялик янги бош мураббийни танлашда иштирок этади. Агар асосий номзодлар билан келиша олмаса, клуб Хорхе Жезус ёки Марсело Гальярдога мурожаат қилишга тайёр.