“Yuventus” Yevropa Ligasi kubogi uchun kurashni davom ettirmoqda.

Lissabonning “Sporting” klubi bilan chorak final qarama-qarshiligining ilk uchrashuvida Massimiliano Allegri shogirdlari o‘z maydonida minimal g‘alabaga erishdi. Bungacha “Yuventus” Fransiyaning “Nant” klubini (3:0) va Germaniyaning “Frayburg” klubini (ikki marta – 1:0 va 2:0) mag‘lub etgandi. Squawka xabariga ko‘ra, turinliklar 2016/17 yilgi mavsumdan beri birinchi marta Yevropa musobaqalarida gol o‘tkazib yubormasdan ketma-ket to‘rtta g‘alabaga erisha oldi - o‘sha mavsumda "byankonerilar" Chempionlar ligasi finaliga chiqqan edi va u yerda "Real"ga mag‘lub bo‘lgandi.

"Sporting" va "Yuventus" o‘rtasidagi javob uchrashuvi 20 aprel kuni Portugaliya poytaxtida bo‘lib o‘tadi.