“Ювентус” Европа Лигаси кубоги учун курашни давом эттирмоқда.

Лиссабоннинг “Спортинг” клуби билан чорак финал қарама-қаршилигининг илк учрашувида Массимилиано Аллегри шогирдлари ўз майдонида минимал ғалабага эришди. Бунгача “Ювентус” Франциянинг “Нант” клубини (3:0) ва Германиянинг “Фрайбург” клубини (икки марта – 1:0 ва 2:0) мағлуб этганди. Squawka хабарига кўра, туринликлар 2016/17 йилги мавсумдан бери биринчи марта Европа мусобақаларида гол ўтказиб юбормасдан кетма-кет тўртта ғалабага эриша олди - ўша мавсумда "бьянконерилар" Чемпионлар лигаси финалига чиққан эди ва у ерда "Реал"га мағлуб бўлганди.

"Спортинг" ва "Ювентус" ўртасидаги жавоб учрашуви 20 апрель куни Португалия пойтахтида бўлиб ўтади.