“Manchester Yunayted” markaziy himoyachisi Lisandro Martines Yevropa ligasi doirasida “Sevilya”ga qarshi o‘yinda (2:2) jarohat oldi.

Argentinalik futbolchi o‘yin oxirida jarohat oldi – uning maydonni tark etishiga “Sevilya” futbolchilari yordam berishdi. Final hushtagi yangragach, “qizil iblislar” bosh murabbiyi Erik ten Xag Martinesning jarohati haqida gapirdi.

“Uning holati yaxshi ko‘rinmadi. Hozir jarohatning og‘irligi haqida hech narsa deya olmayman, kutish kerak. Varan bilan ham xuddi shunday vaziyat”, - dedi niderlandiyalik mutaxassis BT Sport nashriga bergan intervyusida.

Lisandro Martines joriy mavsum “Manchester Yunayted” safida 45 ta o‘yinda maydonga tushib, 1 ta gol urgan.