“Манчестер Юнайтед” марказий ҳимоячиси Лисандро Мартинес Европа лигаси доирасида “Севилья”га қарши ўйинда (2:2) жароҳат олди.

Аргентиналик футболчи ўйин охирида жароҳат олди – унинг майдонни тарк этишига “Севилья” футболчилари ёрдам беришди. Финал ҳуштаги янграгач, “қизил иблислар” бош мураббийи Эрик тен Хаг Мартинеснинг жароҳати ҳақида гапирди.

“Унинг ҳолати яхши кўринмади. Ҳозир жароҳатнинг оғирлиги ҳақида ҳеч нарса дея олмайман, кутиш керак. Варан билан ҳам худди шундай вазият”, - деди нидерландиялик мутахассис BT Sport нашрига берган интервьюсида.

Лисандро Мартинес жорий мавсум “Манчестер Юнайтед” сафида 45 та ўйинда майдонга тушиб, 1 та гол урган.