"Sporting" bosh murabbiyi "Yuventus"dan safarda uchralgan mag‘lubiyat (0:1) haqida fikr bildirdi.

Jamoalar Yevropa ligasining 1/4 final bosqichining ilk uchrashuvini o‘tkazishdi.

"Uchrashuvda ustunlik qildik. Yaratilgan imkoniyatlar soniga va o‘yinni qanday nazorat qilganimizga qarang. Biz kuchli o‘yinchilarga qarshi yaxshi himoyalandik va "Yuventus"ning ko‘plab hujum uyushtirishiga yo‘l qo‘ymadik.

Oldinda bir nechta vaziyatlar yaratdik, ammo gol ura olmadik. Bu bizning hozirgi formamiz haqida ko‘p narsani anglatadi, lekin yaxshi xabar shundaki, stadionimizda yana bir imkoniyat bo‘ladi", - dedi Ruben Amorim.