"Спортинг" бош мураббийи "Ювентус"дан сафарда учралган мағлубият (0:1) ҳақида фикр билдирди.
Жамоалар Европа лигасининг 1/4 финал босқичининг илк учрашувини ўтказишди.
"Учрашувда устунлик қилдик. Яратилган имкониятлар сонига ва ўйинни қандай назорат қилганимизга қаранг. Биз кучли ўйинчиларга қарши яхши ҳимояландик ва "Ювентус"нинг кўплаб ҳужум уюштиришига йўл қўймадик.
Олдинда бир нечта вазиятлар яратдик, аммо гол ура олмадик. Бу бизнинг ҳозирги формамиз ҳақида кўп нарсани англатади, лекин яхши хабар шундаки, стадионимизда яна бир имконият бўлади", - деди Рубен Аморим.
