Turinning “Yuventus” klubi Yevropa ligasi 1/4 finalida Lissabonning “Sporting” klubiga qarshi o‘yinda sog‘lig‘i yomonlangan polshalik darvozabon Voysex Shesnining sog‘lig‘i haqida bayonot berdi. Darvozabon birinchi bo‘lim davomida ko‘krak qafasidagi og‘riq tufayli almashtirildi.
"Birinchi ekspertiza natijalariga ko‘ra, Shesnida hech qanday muammo yo‘qligi aniqlandi" - deyiladi klub matbuot xizmati tarqatgan bayonotda.
Birinchi o‘yin “Yuventus”ning 1:0 hisobidagi g‘alabasi bilan yakunlangan edi. Javob o‘yini 20 aprel kuni Lissabonda bo‘lib o‘tadi.
