“Nissa” yarim himoyachisi Kefren Tyuram “Manchester Siti”ning radariga tushdi. Jurnalist Santi Aunaning yozishicha, Xosep Gvardiola jamoasi fransiyalik yarim himoyachining transferiga qiziqish bildirmoqda.
Manbaning qayd etishicha, "Nissa" kelasi yozda 22 yoshli futbolchi uchun 50-60 million yevro talab qiladi. Oldinroq Tyuram xizmatlariga "PSJ" va Angliya Premyer-ligasining boshqa klublari ham qiziqish bildirayotgani xabar qilingandi.
Kefren ushbu mavsumda Fransiya chempionatida ikkita gol va to‘rtta golli uzatmani amalga oshirdi.