“Ницца” ярим ҳимоячиси Кефрен Тюрам “Манчестер Сити”нинг радарига тушди. Журналист Санти Аунанинг ёзишича, Хосеп Гвардиола жамоаси франциялик ярим ҳимоячининг трансферига қизиқиш билдирмоқда.
Манбанинг қайд этишича, "Ницца" келаси ёзда 22 ёшли футболчи учун 50-60 миллион евро талаб қилади. Олдинроқ Тюрам хизматларига "ПСЖ" ва Англия Премьер-лигасининг бошқа клублари ҳам қизиқиш билдираётгани хабар қилинганди.
Кефрен ушбу мавсумда Франция чемпионатида иккита гол ва тўртта голли узатмани амалга оширди.