Madridning “Real” klubi bosh murabbiyi Karlo Anchelotti jamoasini Chempionlar ligasi yarim finaliga chiqqaniga ishonmayapti.
Eslatib o‘tamiz, chorak finalning birinchi o‘yinida "Santyago Bernabeu"da Londonning "Chelsi" jamoasi bilan o‘tkazilgan bahsda "Qirollik klubi" 2:0 hisobida g‘alaba qozongan edi.
"Chempionlar ligasi yarim finalida "Manchester Siti" bilan o‘ynaymizmi? Hozircha hech narsa hal qilinmagan. Biz ikkinchi o‘yinda ham “Chelsi” bilan kurashishimiz kerak. Xuddi shu narsa "Bavariya"ga qarshi javob o‘yinida g‘alaba qozonishga tayyor bo‘lgan "Manchester Siti"ga ham tegishli", - dedi Anchelotti matbuot anjumanida.
Eslatib o‘tamiz, "Real Madrid" yarim finalga chiqsa, Karlo Anchelotti shogirdlari "Manchester Siti" - "Bavariya" juftligi g‘olibi bilan uchrashadi. Bu jamoalar o‘rtasidagi ilk o‘yinda inglizlar o‘z maydonida 3:0 hisobida zafar quchgandi.
