Мадриднинг “Реал” клуби бош мураббийи Карло Анчелотти жамоасини Чемпионлар лигаси ярим финалига чиққанига ишонмаяпти.
Эслатиб ўтамиз, чорак финалнинг биринчи ўйинида "Сантьяго Бернабеу"да Лондоннинг "Челси" жамоаси билан ўтказилган баҳсда "Қироллик клуби" 2:0 ҳисобида ғалаба қозонган эди.
"Чемпионлар лигаси ярим финалида "Манчестер Сити" билан ўйнаймизми? Ҳозирча ҳеч нарса ҳал қилинмаган. Биз иккинчи ўйинда ҳам “Челси” билан курашишимиз керак. Худди шу нарса "Бавария"га қарши жавоб ўйинида ғалаба қозонишга тайёр бўлган "Манчестер Сити"га ҳам тегишли", - деди Анчелотти матбуот анжуманида.
Эслатиб ўтамиз, "Реал Мадрид" ярим финалга чиқса, Карло Анчелотти шогирдлари "Манчестер Сити" - "Бавария" жуфтлиги ғолиби билан учрашади. Бу жамоалар ўртасидаги илк ўйинда инглизлар ўз майдонида 3:0 ҳисобида зафар қучганди.
