Joriy mavsumda Premyer-ligadagi o‘rnini saqlab qolish uchun astoydil kurashayotgan Angliyaning “Lids” klubi hujumchi Rodrigo Moreno bilan og‘zaki kelishuvga erishdi, agar klub APLda qolmasa, Rodrigo sotiladi.
Manbaga ko‘ra, ispaniyalik futbolchi hozirda "tovuslar"ning eng ko‘p maosh oluvchi futbolchisi hisoblanadi. Biroq uning klub bilan shartnomasi yana bir yil - keyingi mavsum oxirigacha amal qiladi.
Rodrigo Moreno 31 yoshda, bu mavsumda ispaniyalik futbolchi o‘z klubi safida barcha turnirlarda 27 ta o‘yinda maydonga tushib, 13 ta gol va 2 ta golli uzatmani amalga oshirdi. Hujumchi o‘z klubida 2020 yildan buyon o‘ynab kelmoqda. “Lids” ayni damda 29 ochko bilan 16-o‘rinni egallab, Chempionshipga tushib ketish zonasidan atigi 2 ochko oldinda bormoqda.
