Жорий мавсумда Премьер-лигадаги ўрнини сақлаб қолиш учун астойдил курашаётган Англиянинг “Лидс” клуби ҳужумчи Родриго Морено билан оғзаки келишувга эришди, агар клуб АПЛда қолмаса, Родриго сотилади.

Манбага кўра, испаниялик футболчи ҳозирда "товуслар"нинг энг кўп маош олувчи футболчиси ҳисобланади. Бироқ унинг клуб билан шартномаси яна бир йил - кейинги мавсум охиригача амал қилади.

Родриго Морено 31 ёшда, бу мавсумда испаниялик футболчи ўз клуби сафида барча турнирларда 27 та ўйинда майдонга тушиб, 13 та гол ва 2 та голли узатмани амалга оширди. Ҳужумчи ўз клубида 2020 йилдан буён ўйнаб келмоқда. “Лидс” айни дамда 29 очко билан 16-ўринни эгаллаб, Чемпионшипга тушиб кетиш зонасидан атиги 2 очко олдинда бормоқда.