"Liverpul"ning sobiq himoyachisi Jeymi Karrager "Borussiya Dortmund" yarim himoyachisi Jud Bellingemni sotib olish g‘oyasidan voz kechgani uchun klubni tanqid qildi.
"Liverpul" va Yurgen Kloppning transferlarga bo‘lgan ishonch darajasiga butun Yevropa havas qilgan. Bu ishonch ular bu yozda Bellingemni qo‘lga kiritishga harakat qilmasligi haqidagi xabar bilan yo‘qoldi. Hammasi Bellingemni kutishga arzishini ko‘rsatardi. Muxlislar navbatdagi Stiven Jerrard "Enfild"da bo‘lishini orzu qilishadi", - deb yozadi Karrager The Telegraph nashriga yozgan maqolasida.
Oldinroq "Liverpul" 19 yoshli futbolchini narxi tufayli sotib olishni rejalashtirmayotgani haqida xabar berilgandi. Transfer 120 million yevrodan oshadi - bu jamoaning yozgi byudjetining katta qismi.













