"Ливерпуль"нинг собиқ ҳимоячиси Жейми Каррагер "Боруссия Дортмунд" ярим ҳимоячиси Жуд Беллингемни сотиб олиш ғоясидан воз кечгани учун клубни танқид қилди.
"Ливерпуль" ва Юрген Клоппнинг трансферларга бўлган ишонч даражасига бутун Европа ҳавас қилган. Бу ишонч улар бу ёзда Беллингемни қўлга киритишга ҳаракат қилмаслиги ҳақидаги хабар билан йўқолди. Ҳаммаси Беллингемни кутишга арзишини кўрсатарди. Мухлислар навбатдаги Стивен Жеррард "Энфилд"да бўлишини орзу қилишади", - деб ёзади Каррагер The Telegraph нашрига ёзган мақоласида.
Олдинроқ "Ливерпуль" 19 ёшли футболчини нархи туфайли сотиб олишни режалаштирмаётгани ҳақида хабар берилганди. Трансфер 120 миллион евродан ошади - бу жамоанинг ёзги бюджетининг катта қисми.
