"Barselona" bosh murabbiyi Xavi Ernandes yarim himoyachi Gavi jamoani tark etishi mumkinligi haqidagi mish-mishlarga izoh berdi. Eslatib o‘tamiz, avvalroq Londonning “Chelsi” klubi futbolchi bilan ehtimoliy transfer borasida muzokara o‘tkazgani haqida xabar berilgandi.
"O‘ylashimcha, Gavi "Barselona"dan boshqa joyda baxtli bo‘lmaydi. U jamoa uchun fundamental va muhim o‘yinchi", - deya xulosa qildi Xavi matbuot anjumanida.
Kataloniya manbalariga ko‘ra, Gavi hozirda "Barselona"da baxtli va o‘z kelajagini faqat hozirgi jamoasida ko‘rmoqda. Yarim himoyachi Ispaniya chempionatining joriy mavsumida bitta gol va golli uzatmaga ega.
